Hona hemen Prometeus bideoa, non 2051 urtetik kontatzen digute hedabideek (internet bereziki) jasan duten eraldaketa. Egiten dituzten suposizioen artean badago Google enpresak sortuko duen Prometeus ospetsua. Haien esanetan Prometeus, 2022an sortua, bidai espazialak finantziatzeko kapaza izango da, haien bezeroentzako planeta berriak bilatzeko asmoarekin.
2010an egonda sinestezina iruditzen zaigu bideo honetan kontatzen dutena baina azken finean, abiadura ikaragarrian aurrera egiten ari den hedabide honek muga guztiak zeharkatzeko ahalmena duela esan nahi digute. Izan ere, guztiok goaz aurrera internetekin batera, guztiok garelako partehartzaileak. Bideoan erabiltzaileei Prosumer izena jartzen digute (produccer eta consumer hitzen arteko jokoa). Informazioa kontsumitzen eta sortzen dugu eta ez dago beste hedabiderik horrenbesteko aktibitatea sortzen duenik. . Gaur egun ia guztia egin dezakegu interneten bidez eta seguraski etorkizunean imagina ezin ditzakegun gauzak egin ahal izango ditugu.
Bideoan komentatzen den beste aspektua da beste hedabideen desagerpena. Alde batetik eztabaidaezina da beste hedabideek ezin dutela aurrera egin internetek egiten duen abiaduran, posibilitate mugatuak dituztelako. Gaur egun ahalegin izugarria egiten da hedabide tradizionalak mantentzeko eta gero eta laguntza gehiago behar izango dute etorkizunean. Baino benetan desagertuko dira? Eta desagertzen badira hurrengo hamarkadetan gertatuko da bideoan esaten duten bezala? Galdera hauen erantzuna inork ez daki. Nire ustez internet monopolio bilakatuko da etorkizun batean (gaur jadanik monopolioaz hitz egiten has genezake) baina bestelako hedabideak ez dira desagertuko internet munstroarekin batera badoaz. Hori da niretzako aukera bakarra, ez copyright arau-husteei pena handiagoa jartzea, ez zentsuraketara jotzea, egin behar dugun gauza bakarra da internet fenomeno geldiezin honetara moldatzea.
No hay comentarios:
Publicar un comentario